• ХАЯГ : Энхтайваны өргөн чөлөө 125, ТИХК байр 206 тоот
  • 70000044 99995984
Товч танилцуулга
Гишүүнчлэл: GOLD
Үйл ажиллагааны чиглэл: Барьцалдуулагч материал, Төрийн бус байгууллагууд
Суурин утас: 70000044
Гар утас: 99995984
И-Мэйл:
Вэб: http://cement.barilga.mn
Лого татах
Менежертэй холбоо барих
Дагагчид
Танилцуулга
ЦЕМЕНТИЙН БИЗНЕС ЭРХЛЭГЧДИЙН ХОЛБОО
 
Монголын Цементийн Бизнес Эрхлэгчдийн Холбоо нь Монгол улсад чанарын стандартад нийцсэн цементийн үйлдвэрлэл, борлууллалтыг дэмжих, барилгын материалын нийлүүлэлтийг тогтвортой байлгах замаар барилгын салбарын хөгжилд хувь нэмэр оруулах, Монголын цементийн бизнес эрхлэгчдийн эрх ашгийг хамгаалах зорилгоор 2013 оны 03-р сард байгуулагдсан төрийн бус байгууллага юм.
Манай холбоонд Монгол улсын барилгын зах зээлд барилгын материал, түүний дотор цементийн гадаад, дотоод худалдааг олон жил эрхлэж буй дадлага туршлагатай 100 гаруй хувь хүн, аж ахуйн нэгж нэгдэн үйл ажиллагаагаа явуулж байна.
Монголын Цементийн Бизнес Эрхлэгчдийн Холбооны гишүүд өөрийн орны Хөтөл ЦШҮ, Эрэл ЦҮ, Налгар түшиг ЦҮ зэрэг компани, БНХАУ-ын Мэн-Гоа, Тай го, Тун хуа зэрэг компаниудтай хамтран ажилладаг бөгөөд , зөвхөн 2012 оны байдлаар Монгол улсад импортоор орж ирсэн цементийн 90 гаруй хувийг дангаараа манай байгууллагын гишүүд оруулж, борлуулалт хийсэн байна.
Цаашид манай байгууллага хамтран ажилладаг гадаад, дотоодын байгууллага, компани, хувь хүмүүсийнхээ ажил бизнесийг дэмжин харилцаагаа улам өргөжүүлэн ажиллах төдийгүй тэдний үйл ажиллагаа, давуу талуудыг харилцагч нартаа сурталчлан таниулж ажиллана.
Монголын Цементийн Бизнес Эрхлэгчдийн Холбооны гишүүд нь УБТЗ-ын харьяа бүх салбар замуудаар нэг удаа 150 вагон хүлээн авах хүчин чадалтай бөгөөд нийт 75000 тонн цемент хадгалах зориулалтын талбай бүхий байгуулалжуудтай.
Манай холбооны гишүүд 2013 онд нийт 1.2 сая тонн цементийг Монгол Улсын Төр Засгийн дэмжлэгэтэйгээр импортлох төлөвлөгөөтэй байна. Бид УБТЗ-ын ганцхан замаар 2010 онд 3500 вагон, 2011 онд 6000 вагон  буюу 400000 тонн, 2012 онд 14200 вагон буюу 900000 тонн , цементийг импортоор оруулж ирсэн.
  2013 онд улсын хэмжээгээр импортоор 1 531 000 тн цемент орж ирснээс 15500 вагон буюу 1 сая тонн Замын Үүд боомтоор оруулсан бөгөөд Монгол улсын засгийн газраас явуулсан "Барилгын салбарыг дэмжих,улмаар орон сууцны үнийг тогтворжуулах" дэд хөтөлбөрийн хүрээнд зайлшгүй шаардлагатай барилгын материалыг импортлох аж ахуйн нэгжүүд " Барилгын гол нэр төрлийн материалын үнийг тогтворжуулах" хөтөлбөрт тус холбооноос 19 аж ахуйн нэгж хамрагдан үндсэн зорилгоо биелүүлсэн.
   2014 онд улсын хэмжээгээр импортоор 1 506 000 тн цемент орж ирснээс сая нэг зуун тонн цементийг тус холбооны гишүүн байгууллага хувь хүмүүс нийлүүлж энэ онд цементийн хомсдол гараагүй бөгөөд дээрхи хөтөлбөр хэрэгжсэнээр барилгын өөрийн өртөг хямдарч, үнэ буусан . 2014 оны 6-р сард Монголд анх удаа хуурай аргын жилд 1 сая тонн цемент үйлдвэрлэх үйлдвэр болох Хөтөл дэх "Цемент Шохой " ХК нь  технологийн шинэчлэл хийн ашиглалтанд оруулсан. Мөн УБТЗ холбоо хамтран ажилласнаар ОНА цех буюу Гурвалжин 44-р барилгын захаар 10 000 ширхэг вагон хүлээн авч урьд байгаагүй татан авалт хийн борлуулсан. 
   2015 онд   Дорноговь аймгийн Өргөн суманд Монполимет группын "Монцемент биллдинг материалс" ХХК нь хуурай аргын жилд 1 сая тонн цемент үйлдвэрлэх үйлдвэр, Төв аймгийн Сэргэлэн суманд " Мөнхийн баян гал " компани өөрийн цементийн үйлдвэрийг ашиглалтанд оруулсан нь дотоодын үйлдвэрүүд импортыг орлох бүтээгдэхүүнийг дэлхийн технологиор үйлдвэрлэн, гадагшаа чиглэсэн валютын урсгалыг сааруулж Үндэсний үйлдвэрлэлүүдийг дэмжих засаг төрийн бодлого биелэлээ олсон жил болсон. Аж үйлдвэрийн яамнаас Үндэсний үйлдвэрлэлээ дэмжих зорилгоор Импортоор орж ирж буй цементэнд Гаалийн татварыг 5 хувь байсныг 20 хувьд хүргэн нэмсэн нь импортыг орлох эх орны бүтээгдэхүүнийг дэмжсэн арга хэмжээ болсоноор нийт хэрэгцээний 30 орчим хувийг өөрийн орны бүтээгдэхүүнээр хангаж байна.
   2016 оныг манай холбоо нь "Импортыг орлох эх орны бүтээгдэхүүн"ээ дэмжье уриан дор Дотоодын Хөтөл дэх "Цемент Шохой " ХК , Дорноговь дах "Монцемент биллдинг материалс" ХХК, Төв аймаг дах  " Мөнхийн баян гал " ХХК дэмжин ажиллаж байна. 
    Цаашид үйл ажиллагаа өргөжүүлэх, дотоодын цементийн үйлдвэрүүдтэй хамтран ажиллан цементийн бирж байгуулах, нэгдсэн түгээлтийн системд оруулах зорилт тавин ажиллаж байна.
 
Дэлгэрэнгүй

Мэдээ мэдээлэл