БХБЯам цементийн үйлдвэр болон ТББ-ийн төлөөлөлтэй онлайн уулзалт хийв
Баатар
2021-01-24
Барилгын талх болсон стратегийн гол түүхий эд цементийн үйлдвэрлэл, нийлүүлэлтийн асуудлаар цахим уулзалтыг БХБЯамнаас зохион байгууллаа.
МАК цемент, Монцемент, Хөтөл, Мөнхийн баян гал, Налгар түшиг зэрэг цемент үйлдвэрлэгчид болон холбогдох ТБ, ТББ-уудын төлөөллүүд оролцож тулгамдаж буй асуудлаа ярилцаж хэлэлцлээ.
Ковидоос шалтгаалсан хөл хорионоос болж орон нутагт байрлаж байгаа үйлдвэрүүд ажилчдын ирэх очих, түүхий эд материалын тээвэрлэлт, гадаадын мэргэжилтэн ирүүлэх, эрчим хүчний тасалдал, импортоор тоног төхөөрөмж сэлбэг хэрэгсэл саатаж байгаа зэрэг олон асуудлууд байна.
Мөн дотоодоос худалдан авдаг төмрийн хүдэр олон улсын зах зээлийн үнээр, гадаад валютаар худалдан авдаг учир өртөг зардалыг нэмэгдүүлж байна.
Цементийн үнэ 2021 онд бага зэрэг өсөх төлөвтэй байна гэж зарим үйлдвэрийн төлөөлөл мэдэгдлээ
БХБЯамны төрийн нарийн бичгийн дарга С.Магнайсүрэн дараах асуудлыг шийдвэрлүүлэхээр боллоо.
Үйлдвэрүүдийн гадаад ажиллах хүчний асуудлыг БХБЯам шийдвэрлэнэ. ХНХЯ, УОК-т санал хүргүүлнэ.
Эрчим хүчний тогтвортой байдлыг хангах асуудлыг холбогдох яам, сүлжээний газарт асуудлыг тавьж шийдвэрлүүлнэ
Тээвэрлэлтийн асуудлыг шийдвэрлүүлнэ. (ЗТЯам)
Хөл хорионы асуудлыг УОК-той тусгайлан санал тавьж шийдвэрлүүлнэ
Хил гаалийн асуудлыг ГЕГ-т санал тавьж шийдвэрлүүлэх
Төмрийн хүдрийн үнэ ханшийг дотоодын үйлдвэрүүдэд боломжийн үнээр нийлүүлэх асуудлыг асуудлыг судалж шийдвэрлүүлэхээр боллоо.