tsendee
2014.11.27-ны өдөр Зээлийн батлан даалтын сан, Хас банкны 10-р хороолол тооцооны төвтэй хамтран Монголын Цементийн Бизнес Эрхлэгчдийн холбооны гишүүн байгууллагуудын удирдага, ажилтнуудад Зээлийн батлан даалтын үйл ажиллагаа, түүнд хэрхэн хамрагдах мөн хамрагдах боломжтой бага хүүтэй, урт хугацааны төслийн зээлийн товч танилцуулгыг хийв.
Монголын Цементийн Бизнес Эрхлэгчдийн Холбоо нь Монгол улсад чанарын стандартад нийцсэн цементийн үйлдвэрлэл, борлууллалтыг дэмжих, барилгын материалын нийлүүлэлтийг тогтвортой байлгах замаар барилгын салбарын хөгжилд хувь нэмэр оруулах, Монголын цементийн бизнес эрхлэгчдийн эрх ашгийг хамгаалах зорилгоор 2013 онд байгуулагдсан төрийн бус байгууллага юм.
Монголын Цементийн Бизнес Эрхлэгчдийн Холбоонд 100 гаруй хувь хүн, аж ахуйн нэгж нэгдэн үйл ажиллагаагаа явуулж байгаа ба энэ удаагийн сургалт, уулзалтад гишүүн 30 гаруй аж ахуйн нэгж, хувь хүн оролцож, зээлийн батлан даалтын хэмжээ, хамтран ажиллаж байгаа банк, санххүүгийн байгуулллагын хамтын ажиллагаа, батлан даалт гаргах хугацаа зэрэг асуудлын талаар асуулт тавьж, хариулт авсан.
Энэ төрлийн бизнес эрхлэгчид нь өмнө нь бүгд зээлд хамрагдаж байсан ба зээлийн барьцаа хөрөнгө хүрэлцэхгүйгээс зээлийн хэмжээгээ бууруулж авч байсан байна. Сургалт, уулзалтын дараа бизнес эрхлэгчид зээлийн батлан даалтын талаар бүрэн мэдлэг, мэдээлэлтэй болсон бөгөөд дахин зээл авч үйл ажиллагаагаа өргөтгөхдөө зээлийн батлан даалтад хамрагдана гэдгээ сургал, уулзалтын үеэр дурьдаж байв.